Artikel vun der Woch
|
D'Aarnescht ass en Naturschutzgebitt an der Gemeng Nidderaanwen. Um kallekräichem Hank am Nordoste vun der Uertschaft Ueweraanwen erstreckt sech en ofwiesselungsräicht Gebitt mat Hallefdréchewisen, wouvun zirka 75 ha zanter 1988 ënner Naturschutz stinn. Schonns 1973 war d'Aarnescht an den Zousazinventaire vun de klasséierte Monumenter agedroe ginn. Op Initiativ vum Professer Léopold Reichling gouf s'als eent vun den éischten Naturschutzgebidder zu Lëtzebuerg ausgewisen.
Se zeechent sech aus duerch e kallek- an tounräiche Buedem, deen nierstoffaarm an dréchen ass, an d'Hëtzt gär späichert. Dës geologesch a klimatesch Bedéngungen hunn en aarteräichen a villsäitege Liewensraum geschaf, dee sech haaptsächlech duerch Hallefdréchewisen auszeechent. D'Aarnescht ass besonnesch bekannt fir seng Orchideeën, där et hei iwwer zwanzeg Aarte ginn. Weider bléien do vill aner Planzenaarten, wat vill Insekten unzitt, (dorënner eng 136 Päiperlekszorten, eng 22 Grillen an Heesprénger, an 102 verschidde Wanzenaarten) déi nees fir hiren Deel kleng Déieren ernieren, wat sengersäits d'Gräifvullen appreciéieren.
E 4 km laangen Naturléierpad féiert duerch d'Aarnescht... > méi
Archiv
|
Wousst Dir schonn datt...
|
- ... Eilekatz aus onverdaulechen Iessreschter (Schanken, Fiederen, ...) besteet, deen Eilen oder aner Gräifvullen erauswiergen?
- ... eng Kasematt vum Fort Dumoulin wärend dem Bau vum Institut National des Sports (INS) iertemlech mat Bëtong zougeschott gouf?
- ... et souwuel 1956 wéi 1973 de 25. November zu Lëtzebuerg verbuede war, mam Auto ze fueren?
- ... am Club des Cent Cols netprofessionell Vëlossportler opgeholl ginn, déi op d'mannst honnert Colle gefuer sinn?
Archiv
|
|
|
|
